Veb proqram, internet üzərindən işləyən və istifadəçilərə brauzer vasitəsilə təqdim olunan interaktiv proqram təminatıdır. Mobil və desktop proqramlardan fərqli olaraq veb proqramlar quruluma ehtiyac duymur, istənilən cihazdan (kompüter, planşet, telefon) sadəcə URL vasitəsilə açılır və bütün funksiyalar server və brauzer arasında real vaxt əlaqəsi ilə idarə olunur.

Veb proqramlara ERP sistemləri, CRM platformaları, onlayn rezervasiya sistemi, ödəniş platformaları, e ticarət sistemləri, admin panellər, SaaS xidmətləri, analitika sistemləri, loqistika idarəetmə alətləri və fərdi hazırlanmış biznes tətbiqləri daxildir. Bu proqramlar həm istifadəçi interfeysini, həm də server məntiqini özündə birləşdirir.

Peşəkar hazırlanmış veb proqram şirkətlərə prosesləri avtomatlaşdırmaq, iş axınını optimallaşdırmaq, məlumatları təhlükəsiz şəkildə idarə etmək və müştərilərə daha yaxşı xidmət göstərmək imkanı yaradır. Veb proqramların üstünlükləri özəlləşdirilə bilməsi, miqyaslana bilməsi, çox istifadəçi dəstəyi, təhlükəsizlik, performans və rahat inteqrasiya imkanlarıdır.