Online ödəniş sistemi, istifadəçilərin məhsul və ya xidmət üçün internet üzərindən təhlükəsiz şəkildə ödəniş etməsinə imkan verən rəqəmsal infrastrukturdur. Bu sistemlər bank kartlarını, elektron pul kisələrini, mobil ödənişləri, POS və virtual POS terminallarını, Apple Pay və Google Pay kimi texnologiyaları bir platformada birləşdirir və ödəniş prosesini avtomatlaşdırır.

Online ödəniş sisteminin iş prinsipi belədir:

1. Müştəri məhsulu seçir və checkout bölməsinə keçir.

2. Ödəniş məlumatları daxil edilir - kart nömrəsi, CVV, tarix və s.

3. Sistem məlumatları təhlükəsiz şəkildə şifrələyir və bank serverinə göndərir.

4. Bank 3D Secure təsdiqi və ya digər təhlükəsizlik yoxlamaları aparır.

5. Ödəniş təsdiqlənir və sifariş real vaxtda tamamlanır.

6. Müştəriyə SMS və email bildirişi göndərilir.

Online ödəniş sistemi həm şirkət, həm də müştəri üçün sürət, təhlükəsizlik və rahatlıq təmin edir. Bu həll olmadan e ticarət platformalarının və mobil tətbiqlərin düzgün işləməsi mümkün deyil. Peşəkar online ödəniş sistemi daha yüksək konversiya, təhlükəsizlik və satış artımı yaradır.