Server idarəetməsi, fiziki və ya bulud əsaslı serverlərin təhlükəsiz, sabit və yüksək performansla işləməsini təmin edən texniki proseslərin və xidmətlərin məcmusudur. Bu prosesə serverin qurulması, konfiqurasiyası, optimallaşdırılması, təhlükəsizlik tədbirlərinin görülməsi, yeniləmələrin idarə olunması, resursların monitorinqi, məlumat bazalarının idarə edilməsi və ehtiyat nüsxələrin (backup) aparılması daxildir.

Server idarəetməsi həm Linux serverlər (Ubuntu, CentOS, Debian), həm də Windows serverlər üçün həyata keçirilə bilər. Buraya Nginx və Apache konfiqurasiyası, PHP və Node.js mühitinin qurulması, MySQL, PostgreSQL, Redis, MongoDB kimi məlumat bazalarının idarəsi, Docker və konteyner texnologiyalarının tətbiqi, CI CD prosesləri, Firewall və təhlükəsizlik qaydalarının qurulması, SSL sertifikatlarının idarəsi, performans tuning, və 24/7 monitorinq daxildir.

Peşəkar server idarəetməsi olmadan veb saytlar, mobil tətbiqlər, ERP və SaaS platformaları stabil işləyə bilməz. Düzgün idarə olunan server həm təhlükəsizliyi artırır, həm iş vaxtını maksimuma çatdırır, həm də sistemlərin yüklənmə sürətini və ümumi performansı ciddi şəkildə yaxşılaşdırır.