• Layihə
Avtomobil Ehtiyat Hissələrinin Satışı üçün B2B Platformasının Hazırlanması
Avtomobil ehtiyat hissələrinin satışı ilə məşğul olan şirkət üçün mövcud sistem tamamilə yenilənərək sıfırdan B2B satış platforması formasında hazırlanmışdır. Layihənin məqsədi satış əməliyyatlarını mərkəzləşdirmək, topdan və pərakəndə satış proseslərini rəqəmsallaşdırmaq, həm daxili əməliyyatlarda, həm də partnyorlarla əlaqədə yüksək avtomatlaşdırma səviyyəsinə çatmaqdır. Platforma müasir responsive dizayn, istifadəçi dostu interfeys, onlayn sifariş sistemi, məhsul kataloqunun idarə edilməsi və bildiriş mexanizmləri ilə təchiz olunub.
Texniki baxımdan layihənin əsas özəlliklərindən biri 1C inteqrasiyasıdır. Bu inteqrasiya vasitəsilə stok idarəetməsi, anbar sistemində real vaxt izləmə, sifarişlərin avtomatik emalı, qiymət yenilənməsi və mühasibat əməliyyatları tam şəkildə sinxronlaşdırılır. Anbar sistemi və stok izləmə modulu sayəsində məhsul mövcudluğu və tədarük prosesləri operativ şəkildə idarə olunur. Müştərilər üçün yaradılmış müştəri kabineti vasitəsilə sifariş tarixçəsinə baxmaq, mövcud stok vəziyyətini izləmək və fərdi qiymət təklifləri almaq mümkündür.
Platformada çoxkanallı bildiriş sistemi də qurulub. Sistem sifarişlər, stok dəyişiklikləri və qiymət yenilənmələri barədə e-poçt, Telegram və digər kanallar vasitəsilə avtomatik bildirişlər göndərir. Eyni zamanda müxtəlif giriş üsulları — login parol, OTP kodları, token əsaslı autentifikasiya — vasitəsilə həm müştərilər, həm də administratorlar üçün təhlükəsiz və çevik giriş mexanizmləri yaradılmışdır. Limitli cihaz girişinə nəzarət funksiyası isə sistemə yalnız icazəli cihazlardan daxil olmağa imkan verir və təhlükəsizlik səviyyəsini artırır.
Bu yanaşma satış əməliyyatlarını tam avtomatlaşdırır, məlumat axınını vahid platformada cəmləşdirir və həm daxili komandalar, həm də partnyorlar üçün çevik, şəffaf və izlənilə bilən iş prosesi yaradır.
• XİDMƏTLƏR
- Sistem Təhlükəsizliyinin Qurulması
- Sistem Arxitekturasının Qurulması
- Wireframe və Prototiplərin Hazırlanması
- Davamlı Texniki Dəstək
- Kodun və Sistemlərin Sənədləşdirilməsi
- Test və Keyfiyyət Təminatı (QA)
- Avtomatlaşdırılmış İş Axınları
- Məlumat Bazası Qurulması
- Məlumatların Migrasiyası
- DevOps və CI/CD Quraşdırılması
- Monitorinq və Performans Təhlili
- Biznes Proseslərin Modelləşdirilməsi (BPM)
- UI/UX Dizayn
- Veb Proqramlaşdırma
- İnteqrasiya Həlləri
- UAT (İstifadəçi Qəbul Testləri)
- Performans Optimallaşdırılması
- Verilənlər Bazası Dizaynı və Diagram Qurulması
+1
• layihə prosesi
Bu layihədə keçdiyimiz mərhələlər
Niyə RabbitMQ istifadə etdik?
Bu layihədə 1C sistemindən platformaya məlumat axını bir neçə modulu əhatə etdiyi üçün birbaşa sinxron sorğular performans və ardıcıllıq problemləri yaradırdı. Stok məlumatları, qiymət yenilənmələri və sifariş axınları eyni anda ötürülməli idi. Buna görə RabbitMQ seçildi — məlumatlar əvvəlcə növbəyə əlavə olunur, sonra arxa planda emal edilir. Bu yanaşma sinxronizasiyanın sabitliyini qoruyur, sistem yüklənməsini azaldır və real-time proseslərdə fasiləsiz məlumat ötürülməsini təmin edir.
Niyə Redis ilə keşləmə tətbiq olundu?
Platformada məhsul kataloqu, kateqoriyalar və qiymət cədvəlləri kimi tez-tez soruşulan, lakin nadir dəyişən məlumatlar mövcuddur. Hər dəfə bazadan oxumaq sistemi ləngidirdi. Bu layihədə Redis keşləmə tətbiq edilərək bu məlumatlar yadda saxlanıldı və növbəti sorğular keşdən qarşılandı. Nəticədə səhifə yüklənmə vaxtı azaldı, B2B platformada cavab sürəti yüksəldi və real-time proseslərdə stabillik qorundu.
Niyə Node.js ilə socket sistemi quruldu?
Bu layihədə sifariş statusları, stok dəyişiklikləri və qiymət yenilənmələrinin real-time proseslərdə həm administratorlara, həm də müştərilərə eyni anda ötürülməsi tələb olunurdu. Ənənəvi sorğu-cavab modeli bu tələbi qarşılamırdı. Node.js socket sistemi qurularaq serverdə baş verən dəyişikliklər dərhal bütün aktiv istifadəçilərə göndərildi. Bu, idarəçilərin və partnyorların eyni anda aktual məlumatı görməsini təmin etdi və platformanın operativliyini artırdı.
Masaüstü və mobil versiya
Layihədən ekran görüntüləri
